Sentyabrın 21-də 8 dəqiqə ərzində Bakıda bir neçə sürücü yol hərəkəti qaydalarını kobud şəkildə pozub.

Mediatv.az Avtosfer.az-a istinadən xəbər verir ki, "Lexus GS 300" markalı, 90-DA-099 qeydiyyat nişanlı avtomobilin sürücüsü Yasamal rayonu, Nazim Hikmət küçəsində 1.3 xəttinin tələbini pozaraq, tam olaraq əks istiqamətdə yüksək sürətlə hərəkət edərkən qeydə alınıb.

Həmin tarixdə Mirəli Seyidov küçəsindən gələn "Opel Antara" markalı, 90-ZN-634 qeydiyyat nişanlı avtomobilin xanım sürücüsü yolun əksi istiqamətində axına qarşı hərəkət edərək, Nazim Hikmət küçəsinə daxil olub və "ASAN xidmət" mərkəzi tərəfə getmək istəyib.

Bakının Mikayıl Müşfiq küçəsi ilə Parlament prospektinin kəsişməsində düzünə hərəkət təşkil olunmuş zolaqda hərəkət edən "Samand Soren" markalı ,90-TN-381 qeydiyyat nişanlı avtomobilin sürücüsü düzünə hərəkət etmək əvəzinə, sol zolaqdan birbaşa sağa dönərək, bir neçə avtomobilə maneə yaradıb.