2017/2018-ci tədris ilinə hazırlıq məqsədilə Azərbaycan Dövlət Aqrar Universitetinin (ADAU) bütün tədris korpuslarında və ərazilərində abadlıq işləri həyata keçirilir. Havaların isti keçməsinə baxmayaraq, universitetin könüllülərdən ibarət əməkdaşları bu işlərə yaxından köməklik göstərir, növbəti tədris ilinə  yüksək səviyyədə hazırlıq üçün əllərindən gələn köməkliyi əsirgəmirlər.  Bu işlərin növbəti mərhələsi olaraq universitetin köhnə yataqxanalarının yerləşdiyi ərazisinin tullantılardan təmizlənməsi, yaşıllıqların suvarılması həyata keçirilib. Ümumiyyətlə, universitetdə qarşıdan gələn tədris ilinə hazırlığın ən yüksək səviyyədə təmin olunması, yaşıllıqların salınması və qorunması, bütün korpuslarda cari təmir işlərinin aparılması üçün bütün daxili imkanlar səfərbər edilib.

Anar Hətəmov

Tədris işləri üzrə prorektor