Sosial (30-01-2017, 11:17)
ADAU-DA GƏNC FERMER LAYİHƏLƏRİNİN HƏYATA KEÇİRİLMƏSİ İLƏ BAĞLI MÜZAKİRƏLƏR APARILIB - FOTOLAR
ADAU-DA BİZNES İNKUBATORUNUN YARADILMASI VƏ GƏNC FERMER LAYİHƏLƏRİNİN HƏYATA KEÇİRİLMƏSİ İLƏ BAĞLI MÜZAKİRƏLƏR APARILIB
Elmi araşdırmaların nəticələrinin istehsala tətbiqinin əhəmiyyətinin günü-gündən artdığı müasir şəraitdə ali təhsil müəssisələrinin nəzdində texnoparklar, biznes inkubatorlar, texnologiya transferi ofisləri və başqa bu kimi struktur vahidləri yaradılır.
Mediatv.az-a ADAU-nun mətbuat xidmətindən bildirilib ki, Azərbaycanda yeganə ali aqrar təhsil müəssisəsi olan ADAU-da müasir çağırışlara uyğun sürətlə yenilənmə prosesi çərçivəsində biznes inkubatorunun qurulması istiqamətində müvafiq addımlar atılmaqdadır. Bu məqsədlə texnoparkların və bzines inkubatorlarının yaradılması üzrə mütəxəssis dosent İsa Qasımovun iştirakı ilə universitetdə müxtəlif müzakirələr aparılıb. Artıq müxtəlif fakültələrdə “Biznes inkubatoru”nun yaradılması və “Gənc fermer” layihələrinin həyata keçirilməsi, universitet-sənaye əməkdaşlığının səmərəli təşkil edilməsi istiqamətində müvafiq strukturun formalaşdırılması məsələləri müzakirə olunub.
Müzakirələrdə universitetin tədris işləri üzrə prorektoru Anar Hətəmov, elmi işlər üzrə prorektoru Nizami Seyidəliyev, elm şöbəsinin müdiri Abbas İsmayilov, Magistr hazırlığı mərkəzinin direktoru Aydın İsayev,Tələbə Həmkarlar İttifaqı Komitəsinin Aqil Mustafayev, Tələbə Elmi Cəmiyyətinin sədri Fərrux Rəhimov, müəllimlər və gənc tədqiqatçılar iştirak ediblər.
Dosent İsa Qasımov ADAU-nun yeni yataqxana kompleksində tələbələrlə və Magistr hazırlığı mərkəzində ikinci kurs magistrantlarla da müxtəlif görüşlər keçirib.