İyulun 19-da Şamaxı rayonunda 2016-cı ilin altı ayının sosial-iqtisadi inkişafının yekunlarına və qarşıda duran vəzifələrə həsr olunmuş hesabat yığıncağı keçirilmişdir.

Mediatv.az xəbər verir ki, yığıncağı giriş sözü ilə açan Şamaxı Rayon İcra Hakimiyyətinin başçısı Asif Ağayev Azərbaycan Respublikasının Prezidenti cənab İlham Əliyevin sədrliyi ilə Nazirlər Kabinetinin 2016-cı ilin altı ayının sosial-iqtisadi inkişafının yekunlarına və qarşıda duran vəzifələrə həsr edilmiş iclası ilə bağlı ətraflı çıxış etmiş, qeyd olunan müddətdə istər respublika, istərsə də rayon miqyasında əldə olunan uğurlardan və qarşıda duran vəzifələrdən danışmışdır.

Məruzə ətrafında rayon Suvarma Sistemləri İdarəsinin rəisi Vahid Əliyev, rayon Baytarlıq İdarəsinin rəisiKamran Bəkirov,Ağsu Regional Qİİ-nin Şamaxı Xidmət Sahəsinin rəisiİkram Məhərrəmov, Şamaxı Elektrik Şəbəkəsinin rəisi Şahin Xəlilov və rayon Sukanal İdarəsinin rəisi Eldəniz Şeydayev çıxış iştirak etmişlər. Ümumilikdə 2016-cı ilin birinci yarımilinin yekunları rayonumuz üçün müsbət qiymətləndirilmişdir.

2016-cı ilin ötən ayları ərzində rayonda həyata keçirilən məqsədyönlü tədbirlər, ən əsası bir çox sosial problemlərin uğurlu həlli nəticəsində rayonda ictimai-siyasi sabitlik  davam etmişdir. Rayonda mütamadi qaydada aparılan bu və ya digər tədbirlər öz müsbət təsirini göstərməkdədir.

Yığıncaqda əldə olunmuş nailiyyətlərlə yanaşı, həllini gözləyən problemlər, çatışmazlıqlar və onların aradan qaldırılması yolları, aparılması nəzərdə tutulan abadlıq işləri və vətəndaşların müraciətləri ilə bağlı görülən işlər də müzakirə olunmuşdur.