Azərbaycan Dövlət Aqrar Universitetinin baytarlıq təbabəti və zoomühəndislik fakültəsinin maddi-texniki bazasının möhkəmləndirilməsi növbəti tədris ilinə hazırlıq işlərində əsas yerlərdən birini tutur. Tələbələrin təcrübi bilik və bacarıqlarını inkişaf etdirmək üçün müvafiq baza olmadan aqrar təhsili təsəvvür etmək qeyri-mümkündür. Bunu nəzərə alaraq, universitetdə “balıqçılıq və balıqçılıq təsərrüfatı işi” ixtisası üzrə mü­tə­xəssis hazırlığının keyfiyyətini yaxşı­laşdırmaq məqsə­dilə baytarlıq təbabəti və zoomühəndislik fakültənin nəzdində ümumi sahəsi 72 m²  olan qapalı balıqyetiş­dirmə  laboratoriyası  yaradıl­mış  və müxtəlif növ balıqlarıların yetiş­di­ril­mə­sinə baş­lan­mışdır. Həmin ərazi­də 16 ədəd açıq su hovuzunun inşası başa çatdırılmış və burada müxtəlif cins balıqlar bəslənilir. Bu günlərdə tədris laboratoriyasına növbəti balıq cinsləri  gətirilib və  onların bəslənilməsinə başlanılıb. Laboratoriyada tələbələr balıq kürüsünün alın­ması və mayalandırma məsələlərindən başlayaraq balıq alın­ma­sınadək bütün texnoloji prosesdə iştirak edir, müxtəlif növ balıqların yetişdirilməsi və yem­lən­dirilməsi texnologiyasına yiyələnirlər.