Bakıdakı musiqi məktəblərindən birinin direktoruna töhmət verilib, müavini isə işdən azad edilib.

Mediatv.az Bakı Şəhər Mədəniyyət və Turizm Baş İdarəsinin İnformasiya və ictimaiyyətlə əlaqələr sektoruna istinadən bildirir ki, aparılan yoxlamalar əsasında idarənin K.Səfərəliyeva adına 16 nömrəli uşaq musiqi məktəbinin direktoru Fikrət Vəli oğlu Budaqova töhmət verilib.

Məktəbin tədris işləri üzrə direktor müavini Ayat Müslüm oğlu Baxşıyev isə fəaliyyətində bir sıra ciddi nöqsanlar aşkar edildiyi və əmək müqaviləsi üzrə öhdəliklərini yerinə yetirmədiyi üçün tutduğu vəzifədən azad olunub.