Beyləqan rayon Mədəniyyət və Turizim şöbəsinin təşəbbüsü və rayon Mərkəzləşdirilmiş Kitabxana Sisteminin təşkilatçılığı ilə 21 iyul 2016-cı il tarixdə rayon Mədəniyyət Mərkəzinin Mədəniyyət və İstirahət parkında Mədəniyyət və Turizim Nazirliyinin və Milli Kitabxananın layihəsi əsasında yaradılan "Açıq kitabxana" layihəsinə uyğun olaraq tədbir keçirildi.

         Mediatv.az xəbər verir ki, tədbiri giriş sözü ilə rayon Mədəniyyət və Turizim şöbəsinin müdiri Nazim Mirzəyev açaraq bildirdi ki, əhali arasında kitabların təbliği və kitabxanalara oxucuların cəlb edilməsi üçün əvəzsiz rol oynayacaq bu layihənin Beyləqan rayonunda start götürülməsi kitabsevərlərə veriləcək ən böyük töhfədir.

         Beyləqan rayon Mərkəzləşdirilmiş Kitabxana Sisteminin direktoru Gültəkin Məmmədova yeni layihənin əhəmiyyətindən danışaraq qeyd etdi ki,  hazırda layihəsinin həyata keçirilməsi məqsədi ilə MKS-də “Açıq kitabxana”, “Nəsillərə örnək şəxsiyyət”, “ Uşaq guşəsi” və “Beyləqan yazarları”nın əsərlərindən ibarət guşələr yaradılıb. Oxucuların kitabxanaya cəlb edilməsi məqsədi ilə “Oxu məni” devizi altında yaradılmış guşə isə oxucuların daha çox marağına səbəb olacaqdır.

         Açılış mərasimində Beyləqan rayon Mədəniyyət Mərkəzi nəzdində fəaliyyət göstərən "Araz" ədəbi birliyinin sədri, yazıçı-tədqiqatçı Asif Cəfərli, Beyləqan qəzetinin baş redaktoru Elman İsrafiloğlu çıxış edərək “Açıq kitabxana” layihəsinin Beyləqan rayonunda fəaliyyətə başlamasını yüksək qiymətləndirdilər və bunun bütün kitab sevərlərə bir bayram hədiyyəsi olduğunu bildirdilər.