Show.az-a bu barədə danışan Flora Kərimova millət vəkilinin bu missiyası üçün ona təşəkkür edərək, çox sağ ol deyib. 

“Etibar Hüseynova çox sağ ol deyirəm ki, barışığa çağırıb. Alla Puqaçova ilə Sofiya Rotaru arasındakı münasibətlə bizim münasibətimizi müqayisə edib. Lakin onlar sənətkar idi. Mən İlhaməni sənətkar hesab etmirəm. İfa etdiyi mahnıların sözləri və musiqisi gözəldir, lakin ifa tərzi haqqında bunu deyə biləmərəm. Mənimlə İlhaməni bir sıraya qoymaq özü bir səhvdir. Mən bu fikirlərlə qəti razı deyiləm. Etibar müəllimin sənətdən az-çox başı çıxır. Onunla münasibətimiz olub, söhbətlərimiz olub. İstəməzdim ki, ondan belə bir təklif eşidim. Bu bəsit fikirdir. Mən onunla bir masada oturmağım çox təəccüblü olar, nəinki barışmağım.” 

Barışığın imkansız olduğunu söyləyən Xalq artisti İlhamə Quliyevanın sənətdəki yerindən də danışdı. 

“Azərbaycan mədəniyyəti, incəsənəti İlhaməsiz də keçinər. Azərbaycan incəsənətinin onun təqdimatına və təbliğatına ehtiyacı yoxdur. İlhamə Quliyevanın Azərbaycan musiqi tarixində qalası bir dənə də ifası yoxdur. Təbii ki, məndən fərqli olaraq.”