Respublikanın əməkdar artisti Cavanşir Məmmədov döyülməsi ilə bağlı yayılan məlumatlara aydınlıq gətirib.

Mediatv.az xəbər verir ki, o, unikal.org-a açıqlamasında qeyd edib ki, proqramda çıxış edib restorandan çıxan zaman arxadan vurulub: "”Movida Plaza”da bizim Əməkdar artist Firuzə İbadova ilə yarım saatlıq çıxışımız var idi. Biz axşam 21:30-da proqramda çıxış etdik. Çıxanda bir nəfər yoldaş bizə yaxınlaşdı ki, yarım saaat da qalıb çıxış etməlisiniz. Elə müğənnilər var ki, onları döyüb qovurlar. Yarım saat əlavə qalmaq üçün bizimlə mübahisə etdi. Mən də bildirdim ki, bizim başqa yerdə çıxışımız var. Gedib sonra qayıdarıq. Biz qapıdan çıxanda məni arxadan vurdu. Bununla bağlı toy sahibləri həmin şəxsi tənbeh etdilər. Bir neçə dəqiqə keçəndən sonra məlum oldu ki, biz çıxandan sonra bu şəxs özünü bıçaqlayıb”. 

Cavanşir Məmmədov onu da bildirib ki, onu arxadan vuran "Cəbo” ləqəbi ilə tanınan Cəmil adlı şəxsdir: Şəxsin adı Cəmildir, "Cəbo” ləqəbi ilə çağırırlar. Məni döyməyib, arxadan vurub. Həmişə hörmətli kişiləri arxadan vururlar. Zərəçəkən şəxslər Cavanşir Məmmədov, Firuzə İbadovadırsa xəbəri yayan zaman bu şəxslərlə əlaqə saxlamaq lazım idi. Yalandan xəbər yaymaq düzgün deyil”.

Qeyd edək ki, əldə olunan məlumatlara görə, 4 uşaq atası, əslən Cəbrayıl rayonundan olan Cəmil 4 dəfə mühakimə olunub. Sonuncu məhkəməsi bir neçə ay əvvəl keçrilib. 

Aparılan araşdırmalar nəticəsində o da məlum olub ki, "Cəbo” Bakıda Avropa Oyunları keçirilən zaman xarici vətəndaşı döydüyü üçün həbs edilib.