"Allah mərdüməzarlara lənət eləsin!"

Reper bu barədə "Facebook" səhəfəsində status paylaşıb.
Reper Anar Nağılbaz Hüseyn Dəryanın ölümündən danışıb. Anar Nağılbaz bu barədə "Facebook" səhifəsində status paylaşıb.
"Qardaşlarım, bacılarım! Bu dəqiqə bir xəbər eşitdim, inanmaq istəmirəm vallah heç zaman heç kimə biz pislik arzu eləməmişik! Əgər elədirsə, Allah rəhmət eləsin! Allah ailəsinə səbr versin! Allah qıcıqlandırıb düzgün olmayan fikirləri formalaşdıran, araqarışdıran jurnalistlərin də cəzasını versin inşaallah! Hüseyn Dəryanın sənəti haqqında hər zaman yaxşı fikirlər dilə gətirmişəm, yeni tərz, üslub etdiyini demişəm, çalışmışam bacardığım qədər kömək dəstək olum, qalmaqalları öz adıma yazıb onu bu yola qızışdıranlardan uzaq edim. Vallah çox pis oldum! Allah mərdüməzarlara lənət eləsin! Allah sənə rəhmət eləsin Hüseyn! Sən AzRepə öz töhfələrini verdin!"

Xatırladaq ki, reper Hüseyn Dərya bu gün dünyasını dəyişib. 3 saylı Şəhər Klinik Xəstəxanasının reanimasiya şöbəsindən ANS PRESS-ə verilən məlumata görə, ötən gün yol qəzasında ağır yaralanan reper bir az əvvəl keçinib.

Qeyd edək ki, ötən gün saat 23 radələrində Hüseyn Dərya idarə etdiyi “Opel Astra” markalı 99 EK 575 nömrə nişanlı minik avtomobili idarə edərkən Heydər Əliyev Beynəlxalq Hava limanına gedən yolda qəzaya düşüb.