BŞBPİ Bakıda baş verən kriminal hadisələr barədə məlumat yayıb. "Mediatv.az" həmin xəbərləri təqdim edir: 

Fevralın 3-nə keçən gecə, Hövsan südçuluk sovxozunda Bakı şəhər sakinləri İlqar Zahidova məxsus mağazadan 60 manat, danışıq kartları və Afət Namazovaya məxsus mağazadan isə 250 manat və kompyuter monitoru oğurlanıb. Xəzər RPİ 2-ci PB əməkdaşlarının keçirdiyi əməliyyat tədbirləri nəticəsində oğurluqda şübhəli bilinən Bakı şəhər sakini Elnur Sarıyev tutulub.

Bakı şəhər BPİ NMİ və Yasamal RPİ NMB əməkdaşlarının keçirdiyi əməliyyat tədbirləri nəticəsində Ağsu rayon sakini Zamiq Qasımzadədən 170 qram tiryək götürülüb.

Fevralın 1-i saat 02 radələrində, Xocasən qəsəbəsində Bakı şəhər sakini Məftun Hüseynov bıçaq xəsarəti ilə KTM-ya yerləşdirilib. Binəqədi RPİ 40-cı PB əməkdaşlarının keçirdiyi əməliyyat tədbirləri nəticəsində cinayətdə şübhəli bilinən Bakı şəhər sakini Anar Saramanov tutulub.

Fevralın 2-də Pirşağı qəsəbəsi yeni tikilidə yaşayan Rəfail Gülməmmədlinin evindən, pəncərədən keçmək yolu ilə 9 ədəd qızdırıcı radiator və su matoru oğurlanıb. Sabunçu RPİ 15-ci PB əməkdaşlarının keçirdiyi əməliyyat tədbirləri nəticəsində oğurluqda şübhəli bilinən Bakı şəhər sakinləri əvvəllər məhkum olunmuş Şərəf Orucov və Vüsal Bağıyev tutulub.