ARDNŞ prezidenti Rövnəq Abdullayevin maraqlı gənclik fotosu üzə çıxıb.

Strateq.az xəbər verir ki, foto düz 35 il əvvəl – 1982-ci ildə çəkilib. O vaxt Rövnəq Abdullayev İnşaat Mühəndislər İnstitutunun I kursunda oxuyurmuş  və institutun yataqxanasında qalırmış. 1983-cü ildə isə o, hərbi xidmətə yollanıb və 1985-ci ildə ordu sıralarından qayıtdıqdan sonra köçürmə yolu ilə Kuybışev adına Moskva İnşaat Mühəndisləri İnstitutuna göndərilib…

Fotonu redaksiyamıza göndərənlərin yazdığına görə, şəkildəki soldakı şəxs – Rövnəq Abdullayevin Bakıda yataqxanada qaldığı zaman onunla otaq yoldaşı olmuş, Şəkidə doğulan Azər Həmidovdur.

Azər Həmidovun hazırda Şəkidə tikinti sektorunda çalışdığı, ancaq Rövnəq Abdullayevlə hər hansı əlaqəsinin olmadığı və yanlış anlaşılar deyə, heç onu axtarıb tapmağa səy göstərmədiyi də qeyd olunub.

Mediatv.az  Strateq.az-a istinadən fotonu oxuculara təqdim edirik:

Şəkildə soldan sağa: Azər Həmidov və Rövnəq Abdullayev; Bakı şəhəri, 1982-ci il