"2018-2021-ci illərdə Azərbaycanda qeyri-neft sənayesinin orta hesabla 7,3% artacağı proqnozlaşdırılır".

Mediatv.az APA-ya istinadən bildirir ki, bunu bu gün Milli Məclisin Hüquq siyasəti və dövlət quruculuğu, İnsan hüquqları, Gənclər və idman, Regional məsələlər və Mədəniyyət komitələrinin birgə iclasında büdcə zərfinə daxil olan qanun layihələrinin müzakirəsi zamanı iqtisadiyyat nazirinin müavini Sevinc Həsənova deyib.

Onun sözlərinə görə, gələn il aqrar sektor üzrə 6,2% artım proqnozlaşdırılır: "Növbəti 3 ildə isə aqrar sektor üzrə orta hesabla 6% artım gözlənilir".