Türkiyədə əmlak bazarının göstəriciləri açıqlanıb.

Mediatv.az  Bloomberg-ə istinadən xəbər verir ki, ölkədə mənzil satışları əvvəlki ilin eyni dövrü ilə müqayisədə 10,1 faiz artaraq 1 775 ədəd olub. Xaricilər daha çox İstanbuldan mənzil alıblar. May ayında şəhərdə xaricilərə 530 mənzil satılıb. Antaliyadan 442, Trabzondan 123 mənzil, Bursadan 120, Yalovadan 92, Mersindən 69 mənzil alınıb. 

May ayında Səudiyyə Ərəbistanının vətəndaşları Türkiyədən 285 mənzil satın alıblar. İraqlılarla 277, ruslarla 134, küveytlilərlə 125 mənzil alqı-satqısı müqaviləsi imzalanıb.