2016-cı ildə “Aqrolizinq” ASC 13 mln. 835,777 min manat məbləğində vəsaiti silib.

Mediatv.az“Aqrolizinq”in 2016-cı ilin audit hesabatına istinadən xəbər verir ki, bu vəsait Nazirlər Kabinetinin (NK) qərarları əsasında silinib.

NK-nın qərarına görə, debitor borcları üzrə 40%-lik güzəşt çərçivəsində 13 mln. 412,589 min manat məbləğində pul silinib.

Bundan başqa, Maliyyə Nazirliyinin təklifi əsasənda 2016-cı ilin avqust aynda Nazirlər Kabineti “Qara İnək” fermer təsərrüfatının “Aqrolizinq” qarşısında 423,188 min manat məbləğində borcunun silinməsinə dair qərar qəbul edib.

Ötən ilin aprel ayında ermənilər tərəfindən atəşkəsin pozulması nəticəsində “Qara inək fermer təsərrüfatı” MMC-yə ciddi ziyan dəymiş, çoxlu sayda mal-qara tələf olmuşdu.