Aprel ayının 6-də “Bloomberg” terminalında dollar manat qarşısında kəskin ucuzlaşıb.

Mediatv.az xəbər verir ki, banklar arasında dollar 1.7025 manata düşüb. Bu isə ötən günlə müqayisədə dolların 0,15% dəyər ucuzlaması deməkdir.

Qeyd edək ki, dollar terminal üzərində ötən günü 1.7050 manat kursu ilə yekunlaşdırmışdı.
Xatırladaq ki, Azərbaycan bankları valyuta birjası kimi “Bloomberg” terminalından istifadə edirlər. “Bloomberg” banklar arasında ticarət və valyuta hərracının nəticəsinə əsasən manatın məzənnəsini müstəqil şəkildə müəyyən edir.

Qeyd edək ki, bir sıra banklar öz müştəriləri üçün müəyyən etdiyi alış/satış qiymətlərini Bloomberg platformasında əks etdirirlər. Bu sifarişlər əsasında başqa bir indeks formalaşır ki, həmin indeks Bloomberg ticarət platforması ilə yanaşı Bloomberg.com saytında da elan olunur.

Fins.az