2016-cı ilin yanvar-noyabr aylarında Azərbaycana 1 mln. 268,1 min ton buğda idxal edilib ki, bu da ötən ilin müvafiq dövrünün göstəricisindən 9,1% çoxdur.

Mediatv.az-a bu barədə Dövlət Statistika Komitəsindən məlumat verilib.
Məlumata əsasən, respublikaya idxal olunmuş buğdanın ümumi dəyəri 234 mln. 351,8 min dollar (azalma 9,3%) təşkil edib.

Hesabat dövründə Azərbaycana 141 mln. 649,1 min dollar dəyərində (artım 47,5%) 346,8 min ton şəkər xammalı və şəkər (artım 56%), 100 mln. 37,1 min dollar dəyərində (artım 74%) 110,4 min ton bitki yağı (artım 17%), 35 mln. 59,9 min dollar dəyərində (artım 2,9 dəfə) 10 min 96,5 ton çay (artım 84%), 40 mln. 578,5 min dollar dəyərində (artım 2,2 dəfə) 11 min 939,4 ton kərə yağı və süd (artım 4,5%) idxal edilib.

Ümumilikdə, yuxarıda adı çəkilən yeyinti məhsullarının idxalına 553 milyon dollar sərf edilib.
Yanvar-noyabr aylarında respublikaya 49 mln. 556,2 min dollar dəyərində (artım 79,1%) 56 min 352,4 ton meyvə (artım 11,7%), 16 mln. 14 min dollar dəyərində (artım 3 dəfə) 41 min 956,5 ton tərəvəz (artım 84,8%), 26 mln. 8,1 min dollar dəyərində (artım 3,4 dəfə) 141,6 min ton kartof (artım 51,4%) idxal edilib.

Hesabat dövründə ölkədən 96 mln. 209,1 min dollar dəyərində (artım 61%) 108 min ton tərəvəz (artım 47,8%), 158 mln. 521,7 min dollar dəyərində (artım 12%) 116,7 min 337,6 ton meyvə (artım 24,7%), 15 mln. 781,2 min dollar dəyərində (azalma 24,4%) 38 min 203,1 ton kartof (artım 4,5%), 4 mln. 938,9 min dollar dəyərində (azalma 66,7%) 918,5 ton çay (azalma 71,3%) ixrac edilib.

Bundan başqa, qeyd olunan dövrdə Azərbaycandan 54 mln. 32,7 min dollar dəyərində (azalma 70,4%) 95 min 364,6 ton şəkər (azalma 47,2%), 7 mln. 783,8 min dollar dəyərində (azalma 84,6%) 7 min 456,1 ton bitki yağı (azalma 63,7%) ixrac edilib. /İnterfaks-Azərbaycan