Bu ilin may ayı ərzində Azərbaycanda nağd ABŞ dolları ilə mübadilə əməliyyatları zamanı adıkeçən valyutaya tələbin azaldığı müşahidə olunub. Belə ki, may ayında əhali tərəfindən xalis dollar alışı 83,173 mln. dollar təşkil edib.
Azərbaycan Mərkəzi Bankının saytında verilən məlumata görə, aprel ayı ərzində xalis dollar satışı 1 milyard 142,7 mln. dollar olub. Yəni may ayında xalis alış bir ayda 1 milyard 59,6 mln. dollar və ya 92,7% azalıb.
Hesabat dövrü ərzində vahid Avropa valyutasının xalis alışı isə 56,069 mln. avro təşkil edib. Bu da əvvəlki ayla müqayisədə 2,495 mln. avro və ya 4,2% azdır.
Eyni zamanda, Rusiya rublu ilə may ayında xalis satış qeydə alınıb və 689,984 mln. rubl təşkil edib. Nəticədə, əhali son bir ayda rublun xalis satışını 13,4% artırıb.