Musavat.com-un özəl mənbələrdən əldə etdiyi məlumata görə, klub rəhbərliyi Bakıdakı oyun ərəfəsində oruc tutan azarkeşlər üçün yenilik tətbiq edəcək. Belə ki, iftar saatında oruc tutanlara iftar üçün yemək, su və xurma paylanacaq. Klub bu addımı oruc tutan azarkeşlərin oyunu yarımçıq tərk etməməsi və ya stadiona su qabları gətirməməsi üçün atıb. Məlumat gec daxil olduğundan klubla dəqiqləşdirmə aparmaq mümkün olmayıb. Qeyd edək ki, “Neftçi” - “Koper” qarşılaşması iyulun 17-də saat 20.00-da “Bakcell arena” stadionunda keçiriləcək.