Qol.Az-ın məlumatına görə, "goal.com"a danışan Messi dünya kubokunu qazana bilmədiyi üçün çox məyus olduğunu bildirib:

"Argentina millisi uzun müddət idi ki, finala çıxa bilmirdi. Ancaq finalda oynadıq və bununla fəxr edə bilərik. Biz daha artığına layiq idik və məğlub olduğumuz üçün çox məyusuq. Hücumçularımız yaradılan qol epizodlarından istifadə edə bilmədilər. Dünya kubokunu qazanmadığımız və azarkeşlərimizi sevindirə bilmədiyimiz üçün təəssüflənirik. Ola bilsin, almanlarla müqayisədə bir gün az istirahət etməyimiz də oyunumuza təsir göstərdi. Çünki belə turnirlərdə bu, böyük önəm daşıyır".

Qeyd edək ki, "DÇ-2014"ün finalında Almaniyaya 0:1 hesabı ilə uduzan Argentina millisi mundialın gümüş medallarına sahib çıxıb