“Qarabağ” futbol klubuna Skandinaviya Türk Federasiyası tərəfindən dəstək gəlib.

Mediatv.az  Ölkə.Az-a istinadən xəbər verir ki, federasiya başqanı, yazar İlhan Esen “Qarabağ” klubunun Danimarkaya gələcəyi ilə bağlı xəbəri eşidən gündən ciddi hazırlaşdıqlarını bildirib: “Doğma klubumuza dəstək üçün federasiya olaraq Azərbaycan və Türkiyə bayraqları ilə meydanda olacağıq. Bununla bağlı üzvlərimiz məlumatlanıblar. Qarabağ özünü türk hiss edən hər bir insanın ürəyindəki yaradır. Ora, sadəcə, Azərbaycanın deyil, türk dünyasının gerçək yurdudur. O səbəbdən də, “Qarabağ” klubu bizim mənəvi və milli bir simvolumuzdur. Həm də Qarabağın azadlığı üçün meydanda “Qarabağ”a dəstək verəcəyik”.

Federasiya başqanı heç bir zaman Qarabağın işğalı ilə barışmayacaqlarını da qeyd edib: “Skandinaviyada Qarabağ həqiqətlərinin çatdırılmasına çalışırıq. Bu, milli vəzifəmizdir. Qarabağ bizim üçün müqəddəs əmanətdir”, -deyə İ.Esen əlavə edib.

Qeyd edək ki, Danimarkanın Kopenhagen şəhərində oyun 23 avqust 2017-ci il tarixində Çempionlar Liqasının “play-off” mərhələsi çərçivəsində oyun baş tutacaq.