Ana səhifə Siyasət Sosial Hadisə İqtisadiyyat Dünya Gündəm Mədəniyyət Maqazin İdman Müsahibə Cəmiyyət Sağlamlıq

İdman (9-01-2017, 14:51)
Azərbaycan olimpiadadan 5 il sonra daha bir medal qazana bilər

Azərbaycan Olimpiya tarixinə daha bir medal əlavə oluna bilər.

Mediatv.az:  APA xəbər verir ki, məlumata görə, son illər yalnız əleyhimizə işləyən dopinq qalmaqalları bu dəfə yığmamıza mükafat bəxş edib.

Özü də bu ən qalmaqallı idman növümüz olan ağırlıqqaldırmada rəsmiləşib.

Buna London Olimpiadasında 94 kq çəki dərəcəsində körpücük üzərinə çıxan İntiqam Zairov imza atıb.

Yarışları 397 kq-la (182 kq + 215 kq) 6-cı yerdə başa vuran atlet sonradan dopinqdə “ilişsə” də, Beynəlxalq Ağırlıqqaldırma Federasiyası tərəfindən bəraət alıb. Bu çəki dərəcəsində öncədən 6 idmançı cəzalandığından bunlardan birinin, yəni Zairovun “təmizə” çıxması onun sıralamada da irəliləməsinə səbəb olub. Nəticədə həmyerlimiz Olimpiadanın gümüş medalına yiyələnib.

Londonda 5-ci olan iranlı Səid Məhəmmədpurkarkara çempion elan edilib. Bürünc mükafat isə koreyalı, Londonda 8-ci olan Min Jae Kimə nəsib olub. Bütün bunlara səbəb ilk “dördlük”də qərarlaşanların – İlya İlin (Qazaxıstan), Aleksandr İvanov (Rusiya), Anatoli Kiriku (Moldova), Andrey Demanov (Rusiya), həmçinin 7-ci olan Almaz Utisovun (Qazaxıstan) cəzalanması olub.

Sayt bildirir ki, bununla, London-2012-də qazanılan medalların sayı 11-ə çatıb. 2 qızıl, 2 gümüş və 6 bürüncü olan yığmamız ikinci yerlərinin sayını 3-ə çatdırıb. Amma...

Gənclər və İdman Nazirliyi mətbuat xidmətinin rəhbəri Səmayə Məmmədova azvision.az-a deyib ki, ağırlıqqaldırma üzrə atlet İntiqam Zairovun London Yay Olimpiya Oyunlarında gümüş medala yiyələnməsi haqqında Beynəlxalq Ağırlıqqaldırma Federasiyasının rəsmi saytında məlumat yoxdur.

Nazirlik rəsmisi qeyd edib ki, bununla bağlı Azərbaycan Ağır Atletika Federasiyasına heç bir rəsmi məlumat daxil olmayıb. Hazırda məsələ ilə bağlı araşdırma aparılır.



Reklam
Xəbər lenti
25 04 2017
25 04 2017
25 04 2017
25 04 2017
25 04 2017
25 04 2017
25 04 2017
25 04 2017
25 04 2017
25 04 2017
25 04 2017
25 04 2017
25 04 2017
25 04 2017
25 04 2017
25 04 2017
25 04 2017
25 04 2017
25 04 2017
25 04 2017
25 04 2017
25 04 2017
25 04 2017
25 04 2017
24 04 2017
• Sorğu
Saytımızı bəyəndiniz?
Çox gözəl saytdı
Yaxşıdı
Yaxşıdı amma ..
Daha yaxşı ola bilər
Normaldı