Ötən mövsüm Avropa Liqasının qrup mərhələsində iştirak etmiş klubların qazancı məlum olub.

Mediatv.az UEFA-nın rəsmi saytına istinadən xəbər verir ki, bu siyahıda ölkəmizi təmsil edən "Qarabağ" və "Qəbələ" də var.

"Qarabağ" ötən mövsüm Avroliqada ümumilikdə 3.308.303 avro gəlir əldə edib. Bu gəlirin 2,4 milyonu Ağdam təmsilçisinin qrup mərhələsinə vəsiqə qazandığı üçündür. 524 600 avro qrup mərhələsindəki nəticələrə, 383 700 avro isə teleyayımdan əldəedilən gəlirdi.

"Qəbələ" isə qitəmiqyaslı turnirdə 3 022 565 avro qazanıb. "Qırmızı-qaralar" da "Qarabağ" kimi 2,4 milyon avronu qrup mərhələsində iştiraka görə qazanıb. Qrupdakı nəticələr isə əyalət təmsilçisinə 240 000 min avro qazandırıb. Teleyayımdan əldə edilən gəlir isə 382 565 avrodu.

Avropa Liqasında büdcəsini ən çox zənginləşdirənklub isə "Liverpul" olub. İngiltərə klubu 37,8 milyon avro qazanıb. Sonrakı yerləri isə "Tottenhem" (20,8 milyon avro), "Vilyareal" (16,4 milyon avro) və "Latsio" (15,3 milyon avro) tutub.