Azərbaycan Rio-de-Janeyroda keçirilən Yay Paralimpiya Oyunlarında mövqeyini yaxşılaşdırıb.
Mediatv.az xəbər verir ki, Cüdoçu Ramil Qasımovla qazanılan ilk qızıl medal ölkəni 19-cu pilləyə yüksəldib.
Azərbaycanlı paralimpiyaçıların aktivində 4 medal var. Cüdoçulardan Ramil Qasımov qızıl (73 kq), Bayram Mustafayev gümüş (66 kq), Rövşən Səfərov isə bürünc medal qazanıb (81 kq). Atletlərdən isə Yelena Çebanu ölkənin aktivinə gümüş medal yazdırıb.
Siyahıya 20 qızıl, 17 gümüş və 12 bürünc medalla Çin başçılıq edir.