İçərisində narkotik maddə olan şübhəli çanta haqqında polisə Cəlilabad sakini məlumat verib

Azərbaycanla İran sərhədində içərisində narkotik maddə hesab edilən heroin olan çanta aşkarlanıb. 

Daxili İşlər Nazirliyindən ANS PRESS-ə verilən məlumata görə, fevralın 14-də Cəlilabad şəhər sakini Məhərrəm Əliyev RPŞ-yə ərizə ilə müraciət edərək ona məxsus yardımçı təsərrüfatın yaxınlığında şübhəli idman çantası aşkar etdiyini bildirib.

Şəhər sakini M.Əliyevə məxsus yardımçı təsərrüfatın yaxınlığına atılmış çantada 1 kiloqramdan artıq heroin olub. 

Cəlilabad RPŞ əməkdaşları tərəfindən çantaya baxış keçirilib. Baxış zamanı 1 kiloqram 960 qram heroin aşkar edilərək götürülüb.