İraqın Mosul şəhərində İŞİD terror təşkilatı insanlarla bərabər heyvanlara qarşı da vəhşiliklər törədirlər.

Mediatv.az xəbər verir ki, bu barədə İraqın baş veterenarı Amir Xalil bildirib. Onun sözlərinə görə, İŞİD terrorçuları Mosuldakı nəhəng heyvanxananı dağıdıblar. Oradakı heyvanları isə küçəyə buraxıblar.

İraq ordusunun əsgərləri küçəyə buraxılan şir və ayını xilas edə biliblər. Əsgərlər vəhşi heyvanları dəmir qəfəsə salaraq Erbil şəhərinə gətiriblər. Burada heyvanlara tibbi yardım göstərilib. Yaralarına dərman vurulub. Onları buradakı heyvanxanaya yerləşdiriblər.

“Çox təəssüf ki, İraqda ən böyük heyvanxana dağıdılıb. Terrorçular heyvanlara işgəncələr verirlər. Bəzi heyvanları diri-diri yandırıblar. Bəziləri isə acından ölüblər. Hazırda xilas olunana ayı və şirin də həyatı üçün təhlükə var”, – deyə Amir Xalil vurğulayıb.