Gecə Bakının Suraxanı rayonunda piyadanın ölümü ilə nəticələnən ağır yol nəqliyyat hadisəsi baş verib. 

“Mediatv.az” anspress-ə istinadən xəbər verir ki, Ramanı qəsəbəsində qeydə alınan qəza zamanı “BMW” markalı nəqliyyat vasitəsi ilə hərəkətdə olan sürücü yolu keçmək istəyən 33 yaşlı Əmirəliyev Xaliq Telman oğlunu vurub. Piyadanı vurduğunu görən sürücü dərhal təcili tibbi yardıma məlumat verib. Ağır xəsarətlər alan yaralı 3 saylı şəhər klinik xəstəxanasına aparılsa da piyada artıq yolda dünyasını dəyişib.

Piyadanın ölümünə səbəb olan “BMW” markalı avtomobilin sürücüsünə gəlincə, o artıq Suraxanı rayon polis idarəsinin əməkdaşları tərəfindən saxlanılıb.