Gəncə şəhərində bıçaqlanma hadisəsi baş verib

 APA-nın qərb bürosunun verdiyi məlumata görə, hadisə fevralın 17-də saat 4 radələrində şəhərin Fərhad Əliyev küçəsində baş verib. Şəhər sakini, 1993-cü il təvəllüdlü Mehrab Hüseynzadə qaynı, 1989-cu il təvəllüdlü Ramin Abdullayev tərəfindən bıçaqlanıb. 

Yaralı dərhal Gəncə şəhər Təcili Tibbi Yardım Xəstəxanasına çatdırılıb. Həkimlər M. Hüseynzadənin vəziyyətinin normal olduğunu bildirilər.
 
Faktla bağlı Kəpəz rayon Polis İdarəsində araşdırma aparılır.