Belarus prezidenti Aleksandr Lukaşenko nə Ermənistanla, nə də Azərbaycanla münasibətlərdə gərginlik yaşamaq istəmədiklərini deyib.

 Mediatv.az xəbər verir ki, bu barədə prezidentin mətbuat xidməti məlumat yayıb.

“Biz belaruslar və ermənilər yaxın xalq olmuşuq və belə də qalacağıq. Ermənistan Azərbaycana başqa cür yanaşa bilər, amma onlar da bizə yaxın xalqdır. Nə üçün biz Ermənistan, yaxud Azərbaycanla dalaşmalıyıq?....  Ola bilsin, nə vaxtsa, onlara lazım olduq. Ona görə də, bizə dəxli olmayan məsələrə qarışmırıq” – deyə Lukaşenko erməni səfir Armen Xaçatryanla görüş zamanı deyib.

Lukaşenko İsrail əsilli bloqqer Aleksandr Lapşinin Azərbvaycana ekstradisiya məsələsinə də toxunub.

“Lapşini xatırlayırsınız. Qulaq asın, Ermənistanın buna nə dəxli?.. Ermənistan heç Lapşin haqda bizə bir söz belə, deməyib. Azərbaycan tərəfdindən axtarışa verilmişdi. Onu burada tutanda soruşdum ki, nə üçün tutmusunuz? Qoyardınız, gedərdi başqa ölkədə tutulardı. Amma tutdular. İnterpol bilirdi. Onu kimə təhvil verməli idik? Təbii ki, axtarışa verildiyi ölkəyə”.