İtaliyanın şimalında yerləşən Lombardiya və Venetonun sakinləri öz bölgələrinin muxtariyyəti lehinə səs veriblər.

Mediatv.az bu barədə “Associated Press”ə istinadən xəbər verir.

Səslərin sayılmasının formal olaraq hələ bitməməsinə baxmayaraq, hər iki bölgənin rəhbəri referendumun nəticəsini elan edib. 

Lombardiyada muxtariyyətinin lehinə 95%, Venetoda isə 98% səs verilib.

Kataloniyadan fərqli olaraq, Lombardiya və Venetoda referendum İtaliya hökuməti tərəfindən razılaşdırılmış və tam qanuni əsaslarla keçirilmişdi.

Agentlik qeyd edir ki, səsvermənin nəticələri İtaliyanın tamlığı və iqtisadi rifahına ciddi zərbə ola bilər. Belə ki, Lombardiya və Venetonun payına İtaliya ÜDM-nin 30%-i düşür, bu bölgələrin əhalisi isə ölkə elektoratının, demək olar ki, dörddə birini təşkil edir.

Xatırladaq ki, oktyabrın 22-də Lombardiya və Venetoda muxtariyyətin genişləndirilməsi haqqında referendum keçirilib. Hər iki bölgənin lideri bölgə maliyyəsinin istifadəsi zamanı daha çox sərbəstlik verən xüsusi statusa nail olmaq istəyir.