Bu gün, saat 10:40 radələrində Ermənistanın İcevan rayon tibb mərkəzinə Qeğarkunik vilayətinin Dprabak kənd sakini, 1986-cı il təvəllüdlü müqaviləli hərbçi Armen Mexak Mazlaxanyan köçürülüb.

Mediatv.az-ın AzVision.az-a istinadən verdiyi məlumata görə, o, üz nahiyəsindən yaralanıb.

Məlumatı Ermənistan Müdafiə Nazirliyinin mətbuat katibi Artsrun Hovhannisyan da təsdiq edib. Onun hansı şəraitdə və necə yaralanması barədə məlumat verilmir.

Qeyd edəki, son zamanlar erməni hərbi qulluqçuları arasında münaqişələr artmağa başlayıb. Xüsusən, məvaciblərini gec alan və buna etiraz edən hərbi qulluqçular ağır bədən xəsarətləri ilə xəstəxanaya göndərilir. Eyni zamanda cəbhədə xidmət etmək istəməyən bir çox hərbçilər bu yolla ehtiyata buraxılmalarını təmin edirlər.