Seneqal Xarici İşlər Nazirliyi rəsmi Dakarın Dohadakı səfirinin geri çağırıldığını bəyan edib.

Mediatv.az Trend-ə istinadən xəbər verir ki, nazirliyin bəyanatında Seneqalın Qətərə münasibətdə Səudiyyə Ərəbistanı, Birləşmiş Ərəb Əmirlikləri (BƏƏ), Bəhreyn və Misirlə həmrəy olduğu qeyd edilib.

Xatırladaq ki, iyunun 5-də Səudiyyə Ərəbistanı, Bəhreyn və BƏƏ, həmçinin Misir Qətəri terror təşkilatlarına və onların bu ərəb ölkələrində daxili vəziyyəti gərginləşdirmək üzrə fəaliyyətlərinə dəstək verməkdə ittiham edərək rəsmi Doha ilə diplomatik əlaqələri kəsdiklərini bəyan ediblər.

Daha sonra bu ölkələrin sırasına Yəmən, Liviya, Maldiv, Mavrikiy və Qəmər adaları da qoşulub.