Vaşinqtonda Türkiyə prezidenti Rəvəb Tayyip Ərdoğanın tərəfdarları və əleyhdarları arasında qarşıdurma baş verib. Şəhərin xilasetmə qurumunun məlumatına görə, toqquşmalar Türkiyə səfirinin iqamətgahı yaxınlığında baş verib.

Mediatv.az APA-ya istinadən xəbər verir ki, insident nəticəsində 9 nəfər xəsarət alıb. Xəsarət alanlardan ikisinin vəziyyətinin ağır olduğu bildirilir. Polis toqquşmaların baş verdiyi ərazini nəzarətə götürüb. Saxlanılanlar barədə məlumat verilmir. 

Qeyd edək ki, Ərdoğan Vaşinqtonda rəsmi səfərdədir.