İran rəsmiləri Gülüstan vilayətində yerləşən kömür mədənində baş verən partlayışda ölənlərin sayının 35-ə çatdığını açıqlayıb.

Mediatv.az xarici KİV-ə istinadən xəbər verir ki, 70-ə yaxın fəhlənin yaralandığı qəzada ölənlərin bir qismi partlayışdan sonra mədəndə qalan 32 yoldaşını xilas etmək istəyənlər olub. 

Rəsmilər mədəndə qalan 14 nəfərin sağ çıxarılması ehtimalının da artıq qalmadığını bildiriblər.

Mədəndəki tunelin darlığı və qaz səviyyəsinin yüksək olması xilasetmə işlərini çətinləşdirir. 

Partlayışa qaz sızıntısının səbəb olduğu ehtimal edilir.