ABŞ-ın Federal Təhqiqatlar Bürosunun (FTB) əməkdaşı Daniela Qrin Suriyada İŞİD terror qruplaşmasının üzvü Denis Kaspert ilə ailə qurub.

Mediatv.az-ın Trend-ə istinadən verdiyi məlumata görə, FTB-də D.Qrinə İŞİD terror qruplaşmasının üzvü barədə araşdırmalarda iştirak etmək tapşırılıb.

FTB-nin tərcüməçisi olan D.Qrin rəhbərliyinə getmək niyyətində olduğu yer barədə yalan danışaraq, D.Kaspertə onun haqqında araşdırma aparılması barədə xəbərdarlıq edib. Bundan sonra onlar arasında qarşılıqlı etibar yaranıb və onlar 2014-cü ildə ailə qurub, lakin KİV-lərə bu barədə yalnız indi məlum olub.

Xəbərdə bildirilir ki, D.Qrin ABŞ-a qayıdıb və həbs edilib. D.Qrin hökumətlə əməkdaşlıq etməyə razılaşıb. Məhkəmə D.Qrin barəsində 2 il həbs cəzası qərarı verib. Ötən il yayda D.Qrin azadlığa buraxılıb.

Qeyd edək ki, 2015-ci ilin oktyabr ayında CNN telekanalı belə məlumat yaymışdı ki, 39 yaşlı D.Kaspert ABŞ aviasiyasının hücumu zamanı Suriyada ölüb.

D.Kaspert ABŞ Dövlət Departamentində əsas təhlükəli beynəlxalq terrorçuların siyahısında olub.