Türkiyənin daxili işlər naziri Süleyman Soylu bəyan edib ki, əgər Avropa İttifaqı (Aİ) Ankaraya yönəlik qeyri-dost siyasətini davam etdirsə, Türkiyə hər ay Avropaya 15 min qaçqın göndərməyə hazırdır.

Mediatv.az:   «Biz, hər ay Avropaya buraxmadığımız 15 min qaçqın üçün yolu aça və beləliklə, Avropanı «şok» vəziyyətinə gətirə bilərik. Avropa, sən bu qədər cəsursan? İcazə verin sizə xatırladaq ki, Türkiyəni hesaba almadan, bölgədə öz oyununuzu oynaya bilməzsiniz…» – deyə, «Hürriyyət» qəzeti nazirdən sitat gətirir.

Soylu həm də Türkiyənin Aİ-a daxil olmasına kömək etmədiyinə və Ankaranın terrorçuluqla mübarizəsinə dəstək vermədiyinə görə, Avropanı ittiham edib.

Nazir Almaniya və Niderlandı Türkiyədə 2013-cü ildə hökumət əleyhinə baş vermiş etirazlarla, kürdlərin 2014-cü ildəki çıxışlarilə və 16 iyulda (2016) baş tutmayan hərbi çevriliş cəhdi ilə əlaqəli olmaqda günahlandırıb.