İran, Vaşinqtonun “rəsmi xəbərdarlığına” məhəl qoymayaraq, regiondakı davranışını dəyişməyib. 

Mediatv.az-ın “RİA Novosti”yə istinadən verdiyi xəbərə görə, bu barədə ABŞ Silahlı Qüvvələri Baş Qərargah  rəislərinin Birləşmiş Komitəsinin sədri general Cosef Danford Brukinqs İnstitutunda çıxışı zamanı bildirib.    

“Mən İranın hərəkətlərində heç-bir dəyişiklik görmədim. Mənim fikrimcə İran, ilk növbədə, bütün regionda zərərli təsirin yayıcısıdır”, – deyə general bildirib.   

“Biz onların Suriyada, Livanda, İraqda və digər ölkələrdəki mənfi təsirini görürük. Son bir ayda mən heç bir dəyişiklik müşahidə etməmişəm”, – deyə o əlavə edib.