Türkiyə Silahlı Qüvvələri İŞİD terror qruplaşmasının 56 üzvünü öldürüb.

Mediatv.az Türkiyə mətbuatına istinadən xəbər verir ki, həmçinin Türkiyə Silahlı Qüvvələrinin Suriyanın Əl-Bab bölgəsində həyata keçirdiyi əməliyyatlar zamanı İŞİD terror qruplaşmasının 104 hədəfi məhv edilib. Bununla da bölgənin iki məhəlləsi terrorçuların əlindən geri alınıb.

Eyni zamanda terror qruplaşmasının üzvlərinə məxsus 12 bina, bir partlayıcı yüklü avtomobil və bir tunel də məhv edilib.

Qeyd edək ki, 2016-cı il avqustun 24-də Türkiyə Silahlı Qüvvələri Suriyada "Fırat qalxanı” əməliyyatına start verib.