General-leytenant Herbert Makmaster ABŞ prezidentinin milli təhlükəsizlik üzrə yeni müşaviri təyin olunub.

Mediatv.az-ın verdiyi xəbərə görə, bu barədə Ağ Evin mətbuat katibi Şon Spayser özünün “Tvitter” hesabında yazıb.

Bu günədək 55 yaşlı Herbert Makmaster ABŞ Silahlı Qüvvələrinin Quru Qoşunları Komandanının müavini olub.

Qeyd edək ki, ABŞ milli təhlükəsizlik məsələləri üzrə müşaviri Maykl Flinn fevralın 14-də Tramp administrasiyasının rəsmilərinə Rusiya ilə əlaqələri barədə yanlış məlumat verdiyinə görə vəzifəsindən istefa verib.