Türkmənistanda beşinci prezident seçkiləri başlayıb. Bugünkü seçki respublikanın 1991-ci ildə müstəqillik qazandıqdan sonrakı 26 ildə siyasi partiyalardan namizədlərin iştirak etdikləri ilk seçkilərdir.

Mediatv.az:   Prezident postuna hazırkı dövlət başçısı Qurbanqulu Berdiməhəmmədov da daxil olmaqla, doqquz nəfər iddia edir. Səsvermə yerli vaxtla saat 7:00-dan 19:00-dək 2578 seçki məntəqəsində keçiriləcək.

Ölkənin seçki məcəlləsində seçkilərin baş tutmuş hesab olunması üçün seçici fəallığı həddi qoyulmayıb. Səslərin yarıdan çoxunu toplayan namizəd qalib hesab olunur. Mərkəzi Seçki Komissiyası seçkilərin nəticələri haqqında məlumatı səsvermənin keçirildiyi vaxtdan ən geci yeddi gün sonra açıqlamalıdır.