Türkiyə polisi Ankarada Türkiyə Böyük Millət Məclisinin binası ətrafında təhlükəsizlik tədbirlərini gücləndirib.

Mediatv.az bu barədə Türkiyə KİV-ə istinadən məlumat verir.

Parlament ətrafına çevik polis qüvvələri də cəlb olunub. Parlament binası hər hansı bir insidentin qarşısının alınması məqsədilə polis tərəfindən mühasirəyə alınıb.
Qeyd edək ki, bu gün Türkiyə parlamentində ölkə konstitusiyasına dəyişikliklərin müzakirəsi başlayıb.

Müzakirələrdə ölkənin bütün siyasi partiyaları iştirak edir. Bundan əvvəl müxalif Cümuriyyət Xalq Partiyasının (CHP) Ankara şəbəsi parlament yaxınlığında etiraz mitinqi keçirəcəyini elan etmişdi.