İngiltərənin baş naziri olmuş, “dəmir ledi” ləqəbli Marqaret Tetçerin Türkiyə prezidenti Turqut Özalla görüşünə dair sənədlər yayınlanıb.

Mediatv.az xəbər verir ki, sənədləri İngiltərənin Beynəlxalq Arxiv İdarəsi yayıb. 

Görüşdə şərq-qərb əlaqələri, Almaniyanın yenidən birləşməsi, Türkiyə-Avropa birliyi əlaqələri, Kipr kimi məsələlər müzakirə edilib. 

“Gizli” deyə qeydə alınan sənədlərə əsasən görüşdə Tetçer Rusiyanın artan aqressiv davaranışlarına diqqəti çəkib. Qərbin özünü qoruması üçün NATO-nun daha da gücləndirilməsinə ehtiyac var. 
Turqut Özal Balkanlarda yaranacaq yeni problemlərə diqqəti çəkərək Yuqoslaviyanın parçalanacağını, rusların azərbaycanlılara qarşı haqsız davrandığını, litvalılara da qarşı eynu cür davrandığı müzakirə mövzusu olub.

Görüşdə Turqut Özal SSRİ prezidenti Mixail Qorbaçovun vəzifəsinə davam edib-etməyəcəyi barədə Tetçerin fikrini öyrənməyə çalışıb.  Tetçer isə “Məncə vəzifəsinə davam edəcək və daha sərt siyasət yürüdəcək” deyib. Özal isə “Məncə yox, SSRİ-də demokratiyanın kökü yoxdur” deyə vurğulayıb.