Mediatv.az xarici KİV-ə istinadla xəbər verir ki, Rusiya təhlükəsi barədəki bəyanatına cavab olaraq, Kremldə NATO-u «aqressiv xarakterli» təşkilat adlandırıblar. Rusiya Prezidentinin mətbuat katibi Dmitri Peskov bəyan edib ki, İdeoloji və siyasi səbəblərdən dolayı, NATO-nun aqressiv xarakterini hesabdan silmək (danmaq) mümkün deyil. Alyansın Baş katibi Yens Stoltenberqə istinadla Britaniyanın «The Times» qəzetində dərc olunmuş məqaləyə Peskov belə reaksiya verib. Məqalədə qeyd olunur ki, NATO komandanlığı Rusiya təcavüzünü önləmək məqsədilə «xeyli sayda quru qüvvələri» hazırlamaq fikrindədir və «yüz minlərlə hərbçini» yüksək döyüş hazırlığı vəziyyətinə gətirməyi planlaşdırır.

Peskov qeyd edib ki, Rusiya milli təhlükəsizliyini təmin etmək planları üzrə öz sərhədləri boyunca hərəkət edir və onun davranışı heç kimi təhdid etmir. Amma buqu NATO barədə söyləmək olmur.

Bu arada «İnterfaks»ın verdiyi xəbərə görə, noyabrın 6-da – günün ikinci yarısında – Baltik dənizi hövzəsində eyni vaxtda ABŞ, Almaniya və İsveçin hərbi təyyarələri Rusiya sərhədlərinə yaxınlaşıb. Son vaxtlar belə uçuşlar praktiki olaraq, hər gün qeydə alınır.

Peskovun fikrincə, NATO-nun aşressivliyinin əlamətlərindən biri də alyansın öz hərbi infrastrukturunu Rusiya sərhədlərinə doğru irəlilətməsindən ibarətdir.