Cəmiyyət (8-09-2017, 15:54)
ADAU-da "Gəncə Marafonu 2017" ilə bağlı görüşlər keçirilib
Azərbaycan Dövlət Aqrar Universitetinin (ADAU) fakültələrində 2017-ci ilin sentyabrın 17-də Heydər Əliyev Fondunun təşəbbüsü ilə keçiriləcək olan “Gəncə Marafonu – 2017” ilə bağlı marafona könüllü qoşulan tələbələrlə məlumat xarakterli görüşlər baş tutub. Universitetin Tələbə Gənclər Təşkilatının sədri Valeh Əsədov fakültələrdə tələbələrə "Gəncə Marafonu 2017" ilə bağlı bir sıra məlumatlar verib, marafonla bağlı onları maraqlandıran sualları cavablandırıb. Universitetin Aqrobiznes və idarəetmə, Aqrar iqtisadiyyat, Aqrotexnologiya, Baytarlıq təbabəti və zoomühəndislik, Mühəndislik fakültələrində baş tutan görüşlərdə Azərbaycanın qədim tarixə sahib Gəncə şəhərinin - “İradənlə tarix yaz”, “Marafonda bizimlə ol” şüarı altında regionlar arasında marafona ev sahibliyi edəcək ilk şəhər olduğu vurğulanıb.