Bakıda yolların optimallaşdırılması layihəsinin birinci mərhələsi aprelin 27-dən başlayacaq.

Mediatv.az Trend-ə istinadən xəbər verir ki, bunu 16-cı "Nəqliyyat, tranzit və logistika" Xəzər beynəlxalq sərgisi və 7-ci "Yol infrastrukturu və ictimai nəqliyyat" Xəzər beynəlxalq sərgisinin açılışına həsr olunmuş mətbuat konfransında Bakı nəqliyyat agentliyinin ictimaiyyətlə əlaqələr şöbəsinin rəhbəri Mais Ağayev deyib.

Onun sözlərinə görə, layihənin reallaşdırılması Tbilisi prospektində nəqliyyat vasitələrinin hərəkətindəki sıxlığın aradan qaldırılmasına imkan verəcək.