“Ölkəmizdə qaçaqmal və təhlükəli, dövlət qeydiyyatına alınmadan satılan dərman biznesi çiçəklənir”.

Mediatv.az xəbər verir ki, belə bir açıqlama ilə “Azad İstehlakçılar” İctimayi Birliyinin (AİİB) sədir Eyyub Hüseynov çıxış verib.

E.Hüseynov qeyd edir ki, qaçaqmal yolu ilə gətirilən, heç bir dövlət qeydiyyatına alınmadan, bəzən də narkotik tərkibli dərmanların saxlanma yerləri,  Bakıda və rayonlarda satış şəbəkələri barədə istehlakçılardan alınmış məlumatlar əsasında 27.01.2017 tarixli rəsmi məktublarla Dövlət Gömrük Komitəsinə, DİN-nə və Səhiyyə Nazirliyinə məktub göndərilib.

“Bu haqda dövlət orqanlarını məlumatlandırılsa da, bu günə kimi sözügedən anormal halın qarşısının alınması üçün əhəmiyyətli bir iş görülməyib”- deyə, AİİB-nin sədri bildirir.

Onun sözlərinə görə, yalnız 23.02 tarixdə Səhiyyə Nazirliyi  cavab məktubu göndərərək təşəkkür bildirib, tədbirlər görüləcəyini yazıb:

“AİİB qətiyyən dayanmaq fikrində deyil. Qaçaqmalçını, onun arxasında duran, dövlətimizin və vətəndaşlarımızın mənafeyinə, sağlamlığına zərbə vuran insanların bu pis əməldən çəkindırilməsi üçün addımlar ataçaq. Hörmətlı istehlakçılar dövlət qeydiyyatına alınmayan dərmanları almayın!”