Azərbaycanın qərb (Gəncə, Şəmkir, Tovuz, Qazax və.s) rayonlarında “naməlum xəstəlik”dən minlərlə toyuq-cücə, iri və xırda buynuzlu heyvanlar tələf olur.

Mediatv.az xəbər verir ki, bu haqda Gununsesi.info-ya kənd təsərrüfatı mütəxəssisi Vahid Məhərrəmovxəbər verib. Mütəxəssisin sözlərinə görə, adı məlum olmayan xəstəlik yoxdur: “Belə neqativ hallar sahəyə məsul olan məmurların naşılığı, bacarıqsızlığı, qeyri-peşəkarlığı nəticəsində baş verir”. V.Məhərrəmov qeyd edir ki, bu sektorda idarəetmənin sistemsiz olması, təşkilatçılığın olmaması ən böyük problemlərdən biridir. Ekspertin fikrincə, baytar çatışmazlığı ilə yanaşı, bölgələrdə laboratoriyarda keyfiyyətli xidmətin verilməsinə qədər problemlər qarşıya çıxır: “Kəndlilər baytar həkimini çağıranda simptomla xəstəliyi ayırd edə bilmir. Eyni zamanda iynə, dərmanla təminat, tədarük, doğru diaqnozun qoyulub müalicənin aparılması ilə bağlı yaranmış çətinliklər problemin həllində effekt vermir”. V.Məhərrəmov əlavə edir ki, digər ölkələrdən gətirilən heyvanlar vasitəsilə xəstəliklər yayılır: “Deməli, sərhəddən keçəndə nəzarət sistemi zəif həyata keçirilir. Qeyd edək ki, mətbauta gedən məlumata görə, Şəmirdə təkcə 1 fermerin 19 gün ərzində 180 heyvanı naməlum səbəbdən tələf olub. Dövlət Baytarlıq Nəzarət Xidməti bunun çarəsinin tapmaqda aciz qalıb.