Əmlak Məsələləri Dövlət Komitəsinin (ƏMDK) noyabrın 15-də keçirdiyi hərracda, ümumilikdə 18 əmlak özəlləşdirilib. Bunun 12-si istifadəsiz qeyri-yaşayış sahəsi, 2-si kiçik dövlət müəssisəsi, 3-ü səhmdar cəmiyyəti, 1-i isə nəqliyyat vasitəsi olub.

Mediatv.az xəbər verir ki, bu hərrac nəticəsində dövlət büdcəsinə 1,2 milyon manatdan çox vəsaitin dövlət büdcəsinə köçürülməsi təmin ediləcək. Qeyd edək ki, budəfəki hərrac da rəqabətli şəkildə keçib. 

Belə ki, bir neçə qeyri-yaşayış sahəsinə verilən sifarişlərin çoxluğu səbəbindən bu əmlakların satışı üzrə hərraclar rəqabətli olub və ən yüksək qiyməti təklif edən qalib elan edilib. 

Növbəti belə hərrac noyabrın 22-də keçiriləcək və 78 dövlət müəssisə və obyekti özəlləşməyə çıxarılıb.