Bakı şəhəri Nəsimi rayon Abdulla Şaiq adına 54 saylı orta məktəbin kollektivinin haqlı narazılığı saytımıza məktub göndərən şəxsin məlumatlarının dəqiq olmadığını üzə çıxardı. Qeyd edək ki, 54 saylı orta məktəb, həmçinin bu təhsil müəssisəsinin direktoru Sahibə xanım Abbasova barəsində redaksiyamıza məktub göndərən şəxs adıçəkilən orta məktəbdə bir sıra xoşagəlməz olayların cərəyan etdiyini, o cümlədən məktəbin sinif müəlliməsi Zöhrə Quliyevanın əlavə xərcə salındığını bildirib.Verilən məlumata cörə guya sinif müəlliməsi  Zöhrə Quliyeva 700 manat xərc çəkərək sinif kabinetini təmir etdirib.

  Bu məsələlərə aydınlıq gətirmək üçün əməkdaşımız 54 saylı tam orta məktəbdə olub. Əməkdaşımız, Zöhrə Quliyevanın dərs dediyi sinif otaqının təmir edilmədiyinin və digər sinif otaqlarından heç bir fətqi olmadığının şahidi olub.Zöhrə Quliyeva ilə nə üçün əmək müqaviləsinin bağlanmamasına səbəb, Bakı Baş Təhsil İdarəsindən redaksiyamıza ünvanlanmış rəsmi cavabda göstərilir.

  Bakı Baş Təhsil İdarəsindən sorğumuza verilən cavabda Zöhrə Quliyevanın, müəllimlərin sınaq qiymətləndirilməsi zamanı ən az , 14 bal topladığı bildirilir.Bu bal nəinki 54 saylı məktəb üzrə,Nəsimi rayon məktəbləri arasında ən az bal sayılır. Bu isə özlüyündə saytımıza məktub göndərən şəxsin məlumatlarının dəqiq olmadığını üzə çıxardı.

Mediatv.az