Qabil Hüseynli: “Bu perspektiv hətta uzaq gələcəkdə də görünmür”

Türkiyə prezidenti Abdullah Gül Türkiyə-Ermənistan münasibətlərinin bugünü və gələcəyi ilə bağlı maraqlı fikirlər səsləndirib. Türkiyənin tədricən Ermənistanla yaxınlaşdığına diqqət çəkən A.Gül, münasibətlərin gələcək perspektivi haqqında da ümidli olduğunu bildirib.

Bununla bağlı Moderator.az-a açıqlama verən politoloq Qabil Hüseynli isə hesab edir ki, Türkiyə-Ermənistan yaxınlaşmasının heç bir perspektivi yoxdur:

“Türkiyə kifayət qədər böyük dövlətdir. Belə bir dövlətin Ermənistan kimi cırtdan bir ölkə ilə yaxınlaşmasının hər hansı perspektiv vəd etdiyinə inanmıram. Düşünürəm ki, belə bir perspektiv nəinki indi, heç uzaq gələcəkdə də görünmür. Habelə, hesab etmirəm ki, belə bir siyasət Türkiyənin dövlət maraqlarına cavab verir”.